DIE TIEN WOORDE VAN DEVARIEM 6:5

En jy moet Yahweh jou Elohiem liefhê met jou hele hart en met jou hele siel en met al jou krag.

וְאָ֣הַבְתָּ֔ (ve’ahavta: En jy moet liefhê) ….. וְאַמִּ֣יץ (ve’amitz: en Hy is sterk) Hy roep hulle almal by die naam, omdat Hy groot van krag en sterk van vermoë is. Jes 40:26. NET IEMAND WAT SO GROOT EN STERK IS, KAN AANSPRAAK OP TOTALE LIEFDE MAAK.

אֵ֖ת (et: onvertaald) ….. אִתֹּ֔ו (ito: by Hom) Yahweh sal kom as ‘n Sterke en sy loon is by Hom, en sy beloning is voor sy aangesig. Jes 40:10. ONS LIEFDE IS GEBOU OP DIE WETE DAT ONS, MET ELKE DEELTJIE VAN ONS BESTAAN, VOOR YAHWEH SE AANGESIG LEWE.

יְהוָ֣ה (Yahweh) ….. יְהוִה֙ (Yahweh) Die grootheid van Yahweh sal geopenbaar word, want die mond van Yahweh het dit gesê. Jes 40:5. ONS LIEFDE GROEI DAAGLIKS DEUR DIT WAT HY AAN ONS DEUR SY WOORD EN WERKE OPENBAAR EN DIT WAT ONS BY HOM HOOR.

אֱלֹהֶ֑יךָ (Eloheykha: jou Elohiem) ….. אֱלֹהֵיכֶֽם (Eloheykhem: julle Elohiem) Troos, troos my volk, sê julle Elohiem. Jes 40:1. TALLE VORME VAN SY TROOS IS VASGELÊ IN ONS HART EN ONS SIEL – DAAROM KAN ONS LIEFDE VIR HOM NOOIT GENOEG WEES NIE.   

בְּכָל (bekhol: met jou hele) ….. בְּחֵיקֹ֖ו (bekheyko: met/aan sy bors)  Hy sal sy lammers in sy arm vergader en aan sy bors dra. Jes 40:11. DIE LIEFDE WAARMEE HY ONS VERSORG, KEN GEEN PERKE IN OMVANG (“JOU HELE HART”) OF IN INTIMITEIT NIE.

לְבָבְךָ֥ (levavkha: jou hart) ….. לֵ֤ב (lev: hart) Spreek na die hart van Yerushalayiem, en roep haar toe dat haar skuld betaal is. Jes 40:2. YAHWEH WAKKER ONS LIEFDE AAN DEURDAT HY SÓ MET ONS PRAAT DAT ONS HARTE AANGERAAK WORD.   

וּבְכָל (uvekhol: en met al) ….. וְכָל־חַסְדֹּ֖ו (vekhol khasdo: en al sy skoonheid) Alle vlees is gras, en al sy skoonheid soos ‘n blom van die veld. Jes 40:6. NET DEUR ONS LIEFDE VIR YAHWEH KAN ONS UITSTYG BO ONS VERGANKLIKHEID EN ONVOLMAAKTHEID.

נַפְשְׁךָ֖ (nafshekha: jou siel) ….. נָ֣שְׁבָה (nashvah: blaas) Die blom verwelk as die asem van Yahweh daarin blaas. Jes 40:7. MET DIESELFDE ASEM OF GEES WAARMEE YAHWEH BLOMME LAAT VERWELK, STEL HY ONS IN STAAT OM SOOS HY LIEF TE HÊ.

וּבְכָל (uvekhol: en met al) ….. וּבַחוּרִ֖ים  (uvakhurim: en die jongmanne) En die jongmanne word moeg en mat … maar die wat op Yahweh wag, kry nuwe krag. Jes 40:30-31. BEIDE GEDEELTES BEVESTIG DAT JONGES (VERAL) OPGEROEP WORD OM YAHWEH LIEF TE HÊ.

מְאֹדֶֽךָ (me’odekha: jou krag) ….. מֹאזְנַ֖יִם (me’oznayim: [stoffie op] ‘n skaal) Die nasies is voor Hom soos ‘n stoffie op ‘n skaal. Jes 40:15. DIS NIE KRAG OF AANSIEN NIE, MAAR WARE LIEFDE WAT UITEINDELIK VOOR HOM SAL BLY STAAN!

SAMEVATTING:

1. Ons liefde het in Yahweh die volmaakte fondasie en in Y’shua die volmaakte voorbeeld.
2. Yahweh openbaar sy grootheid stukkie vir stukkie aan ons, sodat ons liefde vir Hom stukkie vir stukkie groter kan word.
3. Wanneer ons die Gees van Yahweh bedroef, trek ons ‘n wasige skerm (“a blurry screen”) bo-oor ons eie verstaan van liefde.

Views: 5