Hoor my gebed en my smeking, deur u trou
Ek pleit by U, Yahweh, regverdige Een
U kneg is ek wat net aan u guns vashou
Geen mens is volmaak – daar is werklik nie een
Ek word deur die vyand vervolg en vertrap
Dit voel of hul die lewe uit my kom tap
Hoor my gebed en my smeking, deur u trou
Ek pleit by U, Yahweh, kom red my tog gou!
Verberg u aangesig tog nie vir u kneg
My siel dors na U soos ‘n kurkdroë land
Elke werk van u hand is volkome, so reg
Al wat ek kan bied – die oop kant van my hand
Laat my soggens u goedertierenheid hoor
Want op U vertrou ek, U lei reg van voor
Verberg u aangesig tog nie vir u kneg
My siel dors na U, wys my bedes nie weg!
Laat u Gees my tog op ‘n reguit pad lei
Leer my om te wandel soos dit U behaag
Red my van my vyand, wees ‘n rots vir my
Met U aan my kant sal ek elke toets slaag
O Yahweh, maak my lewend, groot is u Naam
Neem weg benoudheid, maak my vir stryd bekwaam
Laat u Gees my tog op ‘n reguit pad lei
Leer my om my wandel aan U toe te wy!
Views: 97
I am so greatful to had found thos site through a friend of mine. Its wonderful almost like discovering heaven. Its really wonderful to see all the resources available here. Thank you for this.
Thanks Elizabeth, we are hoping to add more contemporary music to all the Psalms soon!