My siel is stil voor U – U sal kom om my te red
U is my Rots en my Verlossing – wankel sal ek nie
My vyand wil my neertrek – en hy fokus op my seerplek
U is my Rots en my Verlossing – wankel sal ek nie
My hulp is net van U – om te wag maak my net sterk
U is my Rots en my Verlossing – Toevlug in my nood
My vyand praat net leuentaal – en hy eer U nie eens eenmaal
U is my Rots en my Verlossing – Redder tot my dood
Voor U stort ek my hart – ek het niks meer nodig nie
U is my Rots en my Verlossing – werd om te vertrou
My vyand staan groot voor my – maar u tent span U styf oor my
U is my Rots en my Verlossing – vrede wat sal hou
My hoop op U is vas – van ‘n mens hang dit nie af
U is my Rots en my Verlossing – oorsprong van my eer
My vyand ken dit glad nie – hy verstaan nie hierdie pad nie
U is my Rots en my Verlossing – Anker keer op keer!
