Doen tog reg aan my, Elohiem, red my
Neem my regsaak in u hand
U’s my Elohiem, altyd naby my
Staan nou op teen my vyand
Moet my nie verstoot, moet my nie laat rou
Laat verdrukking van my wyk
Laat u lig en u waarheid my toevou
En my in u oë laat kyk
Ek wil voor U troon, in u huis gaan staan
En my blydskap daar betoon
Ek wil hardop sing, Elohiem, spontaan
U groot Naam met lof bekroon
Wat buig jy jou neer, o my siel, wees stil
Hoop op Hom, verwag en loof
Die onrustigheid wat my hart vervul
Kan my nie van dit beroof!
