Ek was stom in stilte, geen woord het ek gesê
Styf teenaan my mond laat ek my hand lê
Ek let op my weë, geen reël het ek oortree
Een standaard: Ek kan alles vir U gee
Maar ‘n vuur het in my begin om te ontvlam
Smart was oral om my, my bene was skoon lam
Lewe is kortstondig – twee breedtes van die hand
Swyg gaan my nie help – U’s aan my voorkant
Mens is soos ‘n skadu, hy woel en werk verniet
Daarom wil ek slegs op U my hoop giet
My verwagting, Yahweh, is op geen ander plek
U alleen kan in my hart geloof wek
Red my van oortreding, neem oneer van my weg
Sal nie protesteer nie, U weet tog wat is reg
Hoor my as ek uitroep – daar’s trane in my oog
U alleen ken my – kom maak my oë droog!
