Daar is mense wat geen vrees vir Yahweh in hul hart dra
Hulle vlei hulself en laat hul nie deur sonde pla
Woorde van hul mond is niks meer as haatspraak en onreg
Planne wat hul eenkant maak – ook dit is ongehoord sleg
Van u aangesig draai hulle hul weg
O Yahweh, u goedertierenheid kan skaars beskryf word
Onverstaanbaar is die trou wat U oor my uitstort
U geregtigheid – hoog soos ‘n berg – sal nooit oortref word
U vleuels strek so wyd dat elke mens daardeur bedek word
In u huis seën U my – ek kom niks kort
Uit die stroom van u genieting drink ons skoon en vrylik
By U bron van water en u lig word ek verkwik
As u goedheid naby ons bly, wat kan ons dan afskrik?
Mag geen wrede voet of hand my ooit van U af wegruk
Laat my vrugte van u voorsiening pluk!
