O my Koning ek wil u Naam groot maak tot in ewigheid
Elke dag wil ek U loof want dit verdryf die wasigheid
U is groot en so lofwaardig, u almag kan ‘n mens nie peil
Nasies staan verstom oor u werk, selfs die konings prys u styl
O my Koning, daar’s geen woorde vir u roem en majesteit
Al praat mense, moet hul later stilbly oor u andersheid
Ons verbly ons wanneer ons nadink oor u reg en oor u mag
Pleks van kwaad vir ons te word, verkies U om uit guns te wag
O my Koning, in u wysheid heers U reeds geslagte lank
Van die stemme wat U aanroep, hoor U elke liewe klank
U staan reg met u verlossing, U’s goedgunstig van natuur
Met my mond wil ek u Naam loof en U grootmaak elke uur!
