Dis net u alleen wat my hande kan leer veg
Wat my vingers roer om die oorlog te kan voer
U is tog my rots met u goedertierenheid
Wat verlossing bring – nie ‘n enkel’ oomblik sloer
Yahweh, my skans, my skild, die een by wie
Ek beskerming soek as die vyand op my loer
Hoe geseënd is ek, dat U aandag aan my gee?
Is die mens nie net soos ‘n skaduwee wat kwyn?
Aan die ander kant, moet die hemel voor U buig
En die berge groot, word bedwelm as U verskyn
Yahweh, my bron van krag, steek uit u hand
Tussen pyle deur bly U altyd my Kaptein
Sing ‘n nuwe lied – die oorwinning is behaal
Op my instrument wil ek lof aan U betuig
Mag ons seuns vandag net soos plante wees voor U
Mag ons dogters laag voor u aangesig kom buig
Yahweh, U maak tot bó my skure vol
So geseënd is ek, van niks is ek méér oortuig!
