U deurgrond en ken my, Yahweh Elohiem
U ken my gang en gedagtes intiem
U weet as ek vertrek en dan later gaan lê
U weet ook wat ek dink, geen woord hoef ek te sê!
Van voor en van agter sluit U arms my in
Hoe U dit regkry verstaan ek maar min
Waar sou ek tog kon heengaan en vlug van u Gees?
Al gaan ek wie-weet-waar – beslis sal U daar wees!
Die duisternis is vir U so lig soos die dag
Wonderbaar is u werk, groot is u krag
Voor my geboortedag, was u hand reeds op my
Daar’s geen deel van my self, wat geheim vir U bly
Wat U dink, is kosbaar, ek wil ook daaroor dink
Dit is ‘n groot skat wat hier vir my wink
Deurgrond my hart, Yahweh, of dit vas is, opreg
As ek op smart afstuur, wys die ewige weg!
