Vir ewig staan u goedheid, Yahweh
Elohiem wat wonders verrig
Vir ewig staan u bedagsaamheid
Ek weet dat U my kop sal oplig
Vir ewig staan u goedheid, Yahweh
Skepper, El, verstandig en wys
Vir ewig staan u gewilligheid
Om aan u volk u guns te bewys
Vir ewig staan u goedheid, Yahweh
Heerser, hoog, maar naby aan ons
Vir ewig staan u regverdigheid
Met u sterk hand laat u tonge gons
Vir ewig staan u goedheid, Yahweh
Meester, groot, wat lei en versorg
Vir ewig staan u bestendigheid
Kry ons hier swaar, dan bly U ons borg!
