Uit die dieptes roep ek U aan
Yahweh, hoor my stem vandag
Laat my smeking na u troon gaan
Laat u oor let op my klag
Sou U bloot agslaan op ons sonde
Kan geen mens ‘n oomblik van u hand ontvlug
Tog het wanhoop weinig gronde
Na u arms draai ons terug
Uit die vrees vir U spruit lewe
Yahweh, op U wag my siel
Selfs as ek vir onheil bewe
Maak u hoop my weer stabiel
Sou U bloot agslaan op ons sonde
Kan geen mens ‘n oomblik van u hand ontvlug
Tog het wanhoop weinig gronde
Na u arms draai ons terug
Op U wag ek in die more
Meer as wagters op die muur
U sal ingryp soos tevore
En my vashou elke uur
Sou U bloot agslaan op ons sonde
Kan geen mens ‘n oomblik van u hand ontvlug
Tog het wanhoop weinig gronde
Na u arms draai ons terug
