By U Yahweh, wil ek wegkruip
Neem my verwerping weg
Red my deur U geregtigheid
Laat niemand my verkneg
Wees my rots waarin my huis kan wees
Laat my daar vry ingaan
Wees my rots waarin my huis kan wees
Laat my daar vry ingaan
Van kindsbeen af skuil ek by U
My toevlug en my krag
So baie kon dit nie verstaan
Maar ek kon by U wag
Al dink mense dat U ver weg staan
Ek weet U’s hier by my
Al dink mense dat U ver weg staan
Ek weet U’s hier by my
Met oorgawe sal ek bly praat
Want U’s onmeetbaar groot
U leer my van geregtigheid
Dit vorm my tot my dood
Dat ek nooit deur U verlaat word nie
Dit sal my kinders hoor
Dat ek nooit deur U verlaat word nie
Dit sal my kinders hoor
Daar’s niemand soos U Elohiem
U krag alom bekend
U was nog elke keer getrou
U uitkoms prominent
Met my tong en harp bly ek U loof
O Afgesonderde
Met my tong en harp bly ek U loof
O Afgesonderde
