Elohiem of Seun van Elohiem?

DW, Mpumalanga

Ek het bo genoemde Bybels a hele paar jaar gelede van julle bestel toe ek en my vrou na hierdie “nuwe” weg oor gegaan het. Dit is ‘n wonderlikke vertaaling en ons geniet dit baie, hulle is al hoeveel keer deur gelees en ons put nog elke week nuwe dinge uit die Torah en ander dele uit. Ek het net een klagte as mens dit so kan noem, en dit is die woord Elohiem. Party plekke is dit reg om die word te gebrujik maar ek kan nie sien hoe Yashua die Seun van Elohiem is nie? En ander plekke waar dit so waarskynlik is dat Elohiem moet YaHWeH wees, dat dit mens beitjie omkrap as jy dit so lees. Shaúl se briewe is vol van hierdie “fout”. Ek noem dit ‘n “fout” want miskien is ek verkeerd in my opvatting van die word Elohiem, vir my beteken dit die Vader, Seun en Afgesondered Gees gesaamenlik?

KOMMENTAAR

Wat ons in gedagte moet hou by ‘n vertaling, is dat dit die oorspronklike teks nougeset en akkuraat moet vertaal. ‘n Vertaling mag nie interpreteer nie en dit mag ook nie verander word om dit wat ons glo of dat wat kerke ons geleer het, te probeer akkomodeer nie. Waar Woord en Getuienis byvoorbeeld die uitdrukking Seun van Elohiem gebruik, is dit na ons mening die beste moontlike vertaling van die Griekse uitdrukking “uios tou theou” (soms “uion tou theou” en soms “uiou tou theou”, afhangende van die konteks). Die verstaan dat “Elohiem” die Vader, Seun en Afgesonderde Gees gesamentlik is, is nie iets wat letterlik in (enige) die teks van die Skrif staan nie. Dit is ‘n “kerklike” verstaan, gebaseer op die leer of die doktrine van die Drie-eenheid. As iemand dit só wil verstaan, is hulle welkom, maar vertalings mag beslis nie gemanipuleer word om daaraan uitdrukking te gee nie. Want as dit gebeur, gaan niemand later weet watter gedeelte van ‘n vertaling is oorspronklik en watter gedeelte is deur mense verander nie.

As jy belangstel, ek het ‘n paar jaar gelede ‘n boekie geskryf oor die Drie-eenheid, en veral die identiteit van Y’shua die Messias, waarin daar onder meer ook verduidelik word wat die agtergrond van die woord “Elohiem” is en hoe hierdie woord reg deur die Skrif gebruik word. Ek het dit in PDF formaat – sal nie omgee om dit vir jou gratis te email nie.